Clever Frog

                           

                                مینڈک  ہوشیار      

                                  

ایک گھنے جنگل کے اندر ایک تالاب میں بہت سی مچھلیاں،کیکڑے اور مینڈک رہتے تھے-

انکی زندگی بڑی خوشگوار اور پر امن تھی-ان کے ساتھ دو خوبصورت مچھلیاں ہیرہ اور

کرن رہتی تھیں-وہ ساری مچھلیوں سے بڑی تھیں-وہ اپنی خوبصورتی پر بہت فخر کرتی تھی-

اسی تالاب میں ایک مینڈک اپنی بیوی کے ساتھ رہتا تھا-جسکا نام کولو تھا-مچھلیاں اور مینڈک

آپس میں دوست تھے-وہ اچھی زندگی گزار رہے تھے-

ایک دن دو مچھیرے دریا سے مچھلیاں پکڑ کر آ رہے تھے کہ انھیں شام ہو گئ-وہ تالاب کے

پاس آکر رک گۓ-روزانہ کی طرح مچھلیاں اور مینڈک تالاب میں اچھل اچھل کر کھیل رہے

تھے اور ایک دوسرے کو پکڑ رہے تھے-یہ خوبصورت منظر دیکھ کر مچھیرے تالاب کے پاس

رک گۓ-ایک مچھیرے نے کہا تالاب زیادہ گہرا نہیں ہے چلو انھیں پکڑتے ہیں-دوسرے نے کہا

اندھیرا ہو چکا ہے صبح آ کر انھیں پکڑیں گے اور یہ کہہ کر وہ چل دیے-

کولو مینڈک نے انکی ساری باتیں سن کر سب کو آ کر بتائیں-مینڈک نے سب کو کہا کہ ہمیں تالاب

چھوڑ دینا چاہیۓ-لیکن بڑی مچھلیاں ہیرہ اور کرن نہ مانیں،انھیں اپنی طاقت پر بڑا فخر تھا-ان

دونوں نے کہا کہ ہم اپنا تالاب نہیں چھوڑیں گے-ہمارے پاس بچنے کہ بہت سے طریقے ہیں

کرن نے کہا کہ وہ مچھیرے وآپس نہیں آئیں گے اور وہ سب مینڈک کی باتوں پر ہنسنے لگے-

لیکن مینڈ ک آنے والے خطرے کو محسوس کر رہا تھا ءس لیے اس نے اپنی بیوی کو ساتھ

لیا اور تالاب سے نکل گیا-

دوسری صبح دونوں مچھیرے اپنے مضبوط جال کے ساتھ آے،اور ساری مچھلیاں ،مینڈک اور

کیکڑے پکڑ کر ایک بڑی ٹوکڑی میں ڈالنے لگے-مینڈک اپنی بیوی کے ساتھ ایک چٹان کے

پیچھے چھپا ہوا تھا وہ باہر نکلا اور ٹوکری کے قریب آ کر کہا کہ اگر میں وقت پر صحیح

فیصلہ نہ کرتا تو میں بھی مصیبت میں پھنس جاتا-

پیارے بچو ہمیں اس کہانی سے یہ سبق ملتا ہے کہ زندگی میں ہمیشہ صحیح وقت پر صحیح

فیصلہ کرنا چاہیۓ-اور اچھی کہانیوں کے لیے نور اردو ٹپس دیکھتے رہیں-